23 مارچ کا دن اقبال کی خواب کی تکمیل کا دن تھا، ممبران پنجاب اسمبلی تحسین فواداورزیب النساء اعوان۔ ایف این این آئی

انٹرٹینمنٹ, پنجاب

راولپنڈی آرٹس کونسل میں یومِ پاکستان کی تقریبات کے سلسلے میں فوک اورکلاسیکل رقص کی محفل
راولپنڈی(ایف این این آئی )راولپنڈی آرٹس کونسل نے یومِ پاکستان کی تقریبات کے سلسلے میں فوک اورکلاسیکل رقص کی محفل کا انعقادکیا گیا۔ممبران پنجاب اسمبلی تحسین فواداورزیب النساء اعوان مہمانان خصوص کے طورپرشریک ہوئیں۔

ریذیڈنٹ ڈائریکٹروقاراحمدنے مہمانوں کا خوش آمدیدکہا۔معروف فنکارساجد،آفتاب،صائم اورقیصرنے سندھی ، خٹک،بلوچی رقص اورپنجابی بھنگڑاپیش کیا۔زکریا اقبال اورافتخارمسیح نے کتھک ڈانس پیش کیا۔تقریب سے خطاب کرتے ہوئے ممبرپنجاب اسمبلی تحسین فوادکا کہنا تھا کہ 23 مارچ کا دن اقبال کی خواب کی تکمیل کا دن تھا جب برصغیرکے مسلمانوں نے یہ فیصلہ کرلیا تھا کہ ہندو اور انگریز سامراج سے نجات کے بغیربقا ممکن نہیں ہے۔انھوں نے کہا کہ قائداعظم محمدعلی جناح کی دانشمندی نیبخوبی اندازہ لگا لیا تھا کہ مسلمانوں کے لیے الگ مملکت کا قیام ناگزیرہے۔ ممبرپنجاب اسمبلی زیب النساء اعوان نے پاکستانیوں کویومِ پاکستان کی مبارکباددیتے ہوئے کہا کہ ہمارے بزرگوں کی لازوال قربانیوں کی بدولت آج ہم آزادفضا میں سانس لے رہے ہیں۔انھوں نے کہا کہ ہماری سیاسی اورعسکری قیادت ملک کوترقی یافتہ اورمظبوط تربنانے کے لیے کوشاں ہے۔ریذیڈنٹ ڈائریکٹروقاراحمدکا کہنا تھا کہ اس پُرمسرت موقع پرمختلف علاقوں کی ثقافت کواجاگرکرنے کے لیے ثقافتی رقص پیش کیے گئے۔ فوک اورکلاسیکل رقص کی محفل میں لوگوں کی بڑی تعدادشریک ہوئی۔معروف آرٹسٹ مسعودخواجہ نے نظامت کے فرائض بخوبی انجام دیے۔

14 comments

Leave a Reply